Narón, 23 de febreiro de 2023. A Escola Galega de Consumo promove a través do Instituto Galego de Consumo e Competencia unha charla aberta, mediante aula virtual, da iniciativa Venres de consumo responde, sobre “Os servizos de telefonía e internet”. Nesta convocatoria farase unha exposición sobre os nosos dereitos e respostarase ás preguntas que se formulen, segundo avanzaron dende a organización. A charla dará comezo mañá venres ás 12.30 horas. As persoas que desexen participar deben entrar na web do Instituto Galego de Consumo e Competencia: https://consumo.xunta.gal/gl e pinchar na foto –da páxina principal, á esquerda- que indica “Venres de consumo”. Unha vez nesa ligazón xa se poderá acceder á aula de videoconferencia.