UNHA UNIDADE MÓBIL PARA A DOAZÓN DE SANGUE ESTARÁ O XOVES E O SÁBADO AO CARÓN DO NOVO CENTRO DE SAÚDE E O VENRES NA PRAZA DA CONSTITUCIÓN DA SOLAINA
É preciso levar a tarxeta de doazón, DNI ou documento similar e informar ao médico/a se está a tomar algún medicamento
Narón, 18 de outubro de 2021. Unha unidade móbil da Axencia de Doazón de Órganos e Sangue (ADOS) estará na cidade ao carón do novo Centro de Saúde o xoves, 21 de outubro, en horario de mañá de 9.30 a 14.30 e de tarde desde as 15.30 ata as 21.00 horas e o sábado 23 de outubro de 10.00 a 15.00 horas.
Asimesmo, a unidade móbil estará o venres 22 de outubro na Praza da Constitución da Solaina, en horario de 15.30 a 21.00 horas.
As persoas que acudan a doar sangue a primeira hora deben almorzar pola mañá e no caso de facelo despois de xantar ao mediodía, esperar dúas horas para facelo. Así mesmo, deben levar a tarxeta de doante, o DNI ou un documento similar e informar ao médico se se está tomando algún medicamento.