APRAZADO O ESPECTÁCULO "FESTEJEN LA BROMA" PREVISTO PARA ESTA FIN DE SEMANA NO PAZO DA CULTURA
O Padroado da Cultura procederá ao reembolso do importe das entradas seguindo o mesmo método de pago realizado na compra das mesmas
Narón, 1 de febreiro de 2022. A representación, este venres día 4 ás 20.30 horas, do espectáculo “Festejen la broma”, unha comedia da compañía Tertulia Producción protagonizada por Joaquín Reyes, queda aprazada. Dende a compañía indicaron que o aprazamento responde “a un obrigado cambio do calendario dos compromisos cinematográficos previamente adquiridos e ineludibles por parte do artista”, informando ademais que se apraza o show á espera de poder comunicar unha nova data.
En canto ás entradas, dende o Padroado da Cultura indicouse que se procederá ao reembolso do importe das mesmas seguindo o mesmo método de pago realizado no seu día. As persoas que teñan algunha dúbida sobre o procedemento poden chamar ao despacho de billetes do Pazo, no teléfono 981 102 897.