UNHA UNIDADE MÓBIL PARA A DOAZÓN DE SANGUE ESTARÁ MAÑÁ NAS INMEDIACIÓNS DA PRAZA DA GANDARA
As persoas que acudan a doar poderán facelo en horario de mañá e tarde, de 9.30 a 14.30 e dende as 15.30 ata as 21.00
Narón, 6 de xuño de 2021. Unha unidade móbil da Axencia de Doazón de Órganos e Sangue (ADOS) permanecerá mañá na rúa Pintor Sotomaior, nas inmediacións da praza da Gándara, en horario de 9.30 a 14.30 e dende as 15.30 ata as 21.00 horas. As persoas que acudan a doar sangue deben almorzar previamente e despois de xantar esperar dúas horas antes da doazón.
Dende ADOS recordouse que é preciso levar a tarxeta de doazón, DNI ou algún documento similar e informar ao médico no caso de que se estea tomando algún medicamento.
Debido á actual situación sanitaria tamén se recomenda solicitar cita previa, chamando ao teléfono gratuíto 900 100 828.