A COMPAÑÍA PENTACIÓN ESPECTÁCULOS REPRESENTARÁ NO PAZO A OBRA "ESPERANDO A GODOT"
A cita será este sábado día 8 ás 20.00 horas e as entradas aínda dispoñibles poden adquirirse na billeteira do Pazo ou na web do Padroado da Cultura
Narón, 6 de febreiro de 2020. O Pazo da Cultura acollerá este sábado, día 8, ás 20.00 horas a representación da obra “Esperando a Godot”, da compañía Pentación Espectáculos. Os actores Pepe Viyuela, Alberto Jiménez e Fernando Albizo forman parte do elenco desta obra, todo un clásico do século XX e fundamentado na humanidade e comicidade. As entradas teñen un prezo de 18 euros para o público xeral e de 12,60 para abonados, desempregados e persoas con carné xove ou de estudante (ata 25 anos).
As entradas para os espectáculos do Pazo da Cultura poden adquirirse na billeteira do propio Pazo ou a través da páxina web do Padroado da Cultura de Narón: www.padroadodecultura.es.