Narón, 16 de xaneiro de 2024. O Concello acollerá o vindeiro luns, día 22, ás 9:15 horas a sesión plenaria na que se procederá a sortear os membros das Mesas para as eleccións ás vindeiras eleccións ao Parlamento de Galicia, convocadas para o 18 de febreiro. En total haberá instaladas na zona urbana e rural corenta e sete mesas, que contarán con presidentes, vogais e dous suplentes de cada un destes cargos. O sorteo realizarase mediante un procedemento informático e as persoas que resulten seleccionadas recibirán nos vindeiros días unha notificación no seu domicilio. No caso de non poder acudir será preciso comunicalo e xustificalo ante a Xunta Electoral de Zona –no Xulgado de Ferrol- nun prazo de sete días hábiles (dende a recepción da comunicación).