Narón, 26 de abril de 2023. O concelleiro de Servizos, Ibán Santalla, informou dun novo corte no subministro de auga que levará a cabo a empresa Cosma esta noite, dende as 22.00 ata as 06.00 horas de mañá xoves en varias rúas da cidade. A medida responde á necesidade de realizar tarefas de mantemento na rede, tal e como indicaron dende a empresa. O edil avanzou que se verán afectadas polos cortes no subministro a estrada de Cedeira –dende o número 50 ata o IES As Telleiras, ambos incluídos-, e as rúas Nova, Cerrallón de Arriba e Villadóniga.