Narón, 29 de xuño de 2023. O Grupo Naturgy remitiu novas comunicacións ao Concello para informar que esta madrugada deixará fóra de servizo unha serie de instalacións, o que podería provocar interrupcións no subministro eléctrico en varias zonas da cidade. A compañía indicou que a medida responde á necesidade de realizar traballos de mantemento e desenvolvemento da rede eléctrica. Os cortes programados afectarán, en horario de 02.00 a 04.00 ao Camiño do Peregrino, un tramo da estrada de Castela (números 656 a 682), e rúas San Nicolás, San Xurxo e Santo Tomás. Así mesmo, de 04.00 a 06.00 horas o corte afectará ás rúas Benito Vicetto, Cardenal Quiroga, Manuel Murguía e Torrente Ballester. Dende a empresa solicítanse de antemán desculpas polas posibles molestias ocasionadas.