Narón, 2 de novembro de 2023. O concelleiro de Novas Tecnoloxías, Román Romero, recordou que continúa aberto o prazo de inscrición nun curso de “Edición de imaxes con GIMP”, que se desenvolverá nas instalacións da Aula Cemit de Xuvia. As persoas interesadas en inscribirse poden facelo a través da plataforma Cemit, no enlace: https://cemit.xunta.gal/es/formacion/formacion-presencial/43003. O edil naronés informou que se ofertan un total de doce prazas e que o curso consta de 60 horas, que se impartirán do 9 ao 30 deste mes en horario de tarde, de 16.00 a 20.00. Trátase dunha acción formativa de carácter presencial sobre a temática de audio, imaxe e vídeo. O alumnado aprenderá técnicas básicas para retocar e restaurar imaxes, redimensionalas, deseñar logos… a través deste software de edición de imaxes libre pensado como editor de fotografías e outras imaxes dixitais.