Narón, 15 de novembro de 2023. A Xove Banda de Narón, da Asociación Cultural Musical Sementeira, ofrecerá este sábado, día 18, un concerto con motivo da próxima conmemoración, o 22 deste mes, de Santa Icía, Día Internacional da Música. A cita terá lugar nas instalacións do Centro Comercial Odeón a partir das 19:00 horas. O Padroado da Cultura de Narón organiza esta iniciativa xunto coa Asociación Cultural Musical Sementeira, convidando a asistir a esta proposta cultural, na que se interpretará un amplo repertorio, a todas as veciñas e veciños da cidade e doutros concellos.