Narón, 5 de xaneiro de 2024. O Padroado da Cultura retomará este domingo, día 7, a programación do Pazo da Cultura. A compañía Vol Music Events trae á cidade o espectáculo “De ellos aprendí” (El musical de los grandes musicales), con pase ás 18:00 horas. Ao longo de aproximadamente hora e media de duración os personaxes de La Sirenita, El Rey León, Frozen, Aladdín, Rapunzel ou La Bella y la Bestia irán sucedéndose no escenario como protagonistas deste musical. A peza ten a súa orixe na illa de Montunui, onde Vaiana, o personaxe condutor do musical, ten a primeira oportunidade de liderar o seu pobo, para o que a guía o sabio espírito da súa avoa Tala. Ela levaráa por un gran viaxe a través de máxicos contos que lle axudarán a ser a líder que o seu pobo precisa, sentíndose moi orgulloso da súa líder. As entradas poden adquirirse no despacho de billetes do Pazo ou a través da web: www.padroadodecultura.es, a un prezo en venda anticipada de 16 euros no patio de butacas e de 14 nos anfiteatros.