Cinco peóns conformarán a cuadrilla organizada polo Concello naronés para a limpeza de praias na temporada estival. Os traballadores, inscritos nas listas de desempregados do INEM, serán contratados por xornada completa ata o día 30 de setembro de 2007.
Aínda que Narón non é un Concello especialmente coñecido pola súa costa, non debemos esquecer que conta con tres fermosas e bravas praias, afastadas por abruptos cantís que dificultan a baixada e o acceso a elas. Son os areais do Casal, Hortiña e Lopesa. Este último atópase xunto á Pena Lopesa, coa que se funde nun lexendario illote. En total, algo máis dun quilómetro de praias aínda por descubrir.
Precisamente o Concello (que conta cunha subvención da Excmª Deputación Provincial de A Coruña de 10.000 euros) ven de contratar unha cuadrilla que se encargará do mantenemento e limpeza destes arenais, grandes descoñecidos para a meirande parte dos veciños e visitantes de Narón.