Narón, 10 de Abril de 2014.- O presidente do Padroado de Cultura do Concello de Narón e Alcalde do municipio, José Manuel Blanco, e o presidente da Asociación Cultural Musical de Narón “Sementeira” veñen de asinar un convenio de colaboración para a impartición de clases de solfexo e instrumentos. Este acordo estará vixente durante o ano 2014, e a través do mesmo o Padroado de Cultura facilitará o desenvolvemento das actividades da Asociación Sementeira, facendo unha achega económica de 42.000€. Asimesmo, cederá en usufruto os instrumentos musicais da súa propiedade, que deberán ser mantidos en bo estado de conservación. Sementeira, pola súa parte, impartirá clases de solfexo e instrumentos de vento e percusión do 1º ó 5º nivel, mantendo ademais a actividade dunha banda de música cun número de membros non inferior a trinta e cinco, que realizará 10 concertos ó ano en Narón.