Narón, 16 de Maio de 2014.- A Praza de Galicia acolleu onte, xoves 15 de Maio, un acto reivindicativo organizado pola Concellería de Igualdade, dentro da programación do 8 de marzo, Dia Internacional da Muller. Trátase dunha convivencia artística na que participaron diferentes entidades asociativas de Narón, confeccionando entre todas un Mural Conmemorativo, co fin de sensibilizar á poboación sobre a necesidade de seguir traballando por conseguir plenos e iguais dereitos para mulleres e homes. O artista naronés Leandro perfilou o mural sobre unha das fachadas do Auditorio Municipal, e a continuación as entidades participantes encargáronse de darlle vida a través do color. A relación de entidades participantes foi a seguinte: -Asociación Mulleres Ferrerías (Xuvia) -AVV de San Xiao -AVV de Freixeiro -Asociación da 3ª Idade de Pedroso -Fundación ‘Terra de Trasancos’ (O Val) -AVV O Val -ASPANAES -Asociación Sociocultural de Minusválidos -Fundación Secretariado Xitano -AVV de A Solaina -AVV Virxe do Mar -Grupo de apoio á lactancia materna BBTTA -Asociación As Regueifas (O Feal)