Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO ASINA CONVENIOS DE COLABORACIÓN CON TÓDOLOS COLEXIOS E INSTITUTOS DE NARÓN PARA REALIZAR ACTIVIDADES DE EDUCACIÓN MEDIOAMBIENTAL
Se levarán a cabo no parque temático Aldea Nova e no Muíño de Pedroso, ata o mes de novembro.
Narón, 13 de Abril de 2015.- O Alcalde de Narón, José Manuel Blanco, acompañado pola Concelleira de Ensino, Mª del Carmen Espada, ven de asinar un convenio de colaboración con cada un dos centros escolares –públicos e concertados- do municipio para a realización de actividades educativas na área recreativa de Pedroso e no parque temático de Aldea Nova (Sedes) ata o mes de novembro de 2015. En conxunto, o Concello de Narón destinará un total de 30.000 € a financiar estas actividades, dirixidas ós seguintes centros de ensino: -CEIP Virxe do Mar -CEIP A Solaina -CEIP A Gándara -CEIP Ponte de Xuvia -CEIP Piñeiros -CPI O Feal -Colexio Rural Agrupado (CRA) -CPR Ayala -CPR Santiago Apóstol -CPR Jorge Juan -IES As Telleiras -IES Terra de Trasancos. Os directores de tódolos colexios e institutos de Narón participaron na firma destes convenios para a realización de obradoiros medioambientais nas instalacións do Parque Temático do Mundo Rural ‘Aldea Nova’ (Sedes) e na área medioambiental do Río Xuvia-Pedroso, en horario escolar ou extraescolar. Os obxectivos destas iniciativas son achegar ós máis novos a identidade antropolóxico-cultural e propiciar a ensinanza mediante técnicas prácticas e didácticas que permitan adquirir habilidades e absorber os contidos teóricos. Están dirixidos a tódolos niveis educativos, dende Educación Infantil ata Bacharelato. No parque temático de Aldea Nova, os participantes aprenderán a coidar o medioambiente, a reutilizar os materiais e a coidar os animais e as plantas. A relación de obradoiros e actividades previstas en Aldea Nova é a seguinte: - Obradoiro de Horta e coñecementos de Xardinería. -Obradoiro de Medio Ambiente e Reciclaxe. -Obradoiro de Xogos populares e en Equipo. -Obradoiro de Equitación. -Obradoiro de Animais. -Obradoiro de Pan. -Obradoiro de Ruta. -Obradoiro da Cultura Castrexa. -Obradoiro de Apicultura. -Obradoiro Casa Museo. -Obradoiro de Astronomía. Na área recreativa do río Xuvia, os participantes realizarán actividades de educación ambiental dirixidas no entorno do Muiño de Pedroso. Aquí se desenvolverán obradoiros dirixidos ó uso sostible da agricultura, á reutilización e á reciclaxe, ó aproveitamento artesanal de plantas para realizar ungüentos e produtos de hixiene e beleza, ó coñecemento da vexetación do Río Xuvia, e ó coñecemento da fauna autóctona do Río Xuvia. En concreto, desenvolveranse estes talleres: -Obradoiro de Pan. -Obradoiro de Elaboración de Queixo. -Obradoiro de Elaboración de Chourizos. -Obradoiro de Cestería. -Obradoiro de Lá. -Obradoiro de Coiro. -Obradoiro de Horta Ecolóxica. -Obradoiro de Cosmética Natural, Perfumes e Ungüentos. -Obradoiro de Elaboración de Marmeladas. -Obradoiro de Reciclaxe. -Itinerarios Ambientais. -Obradoiro de Pegadas e Rastros.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal