Narón, 16 de Abril de 2015.- O Concello de Narón recibiu hoxe a visita dun grupo de 22 alumn@s de 5º de Educación Primaria do CEIP Virxe do Mar dentro do “Programa de recursos educativos de apoio á escola”. O alumnado percorreu diferentes instalacións do Concello de Narón tales como o Arquivo Municipal, o Rexistro Xeral e o Servizo Sociocomunitario. A continuación, os escolares acudiron ó Salón de Plenos onde tiveron a oportunidade de realizar unha quenda de preguntas ó Alcalde, José Manuel Blanco, sobre o funcionamento da administración municipal. Na xornada de mañá venres está prevista outra visita de similares características, esta vez cun grupo de 26 alumn@s de 6º de E.P. do mesmo centro escolar.