Narón, 21 de decembro de 2015. O Pazo da Cultura acollerá mañá, ás 20.30 horas un concerto de música góspel a cargo de The Chicago Mass Choir. “A spiritual Tribute to BB King” é o nome do espectáculo que, ao longo dunha hora e media, deleitará aos asistentes cos temas que interpretarán os dezaoito compoñentes do grupo, que rendirán unha homenaxe a BB King, estrela do blues e unha das lendas da música norteamericana. Na súa xira os integrantes desta recoñecida formación reproducen a música puramente góspel de BB King gravada no ano 1959. O prezo das entradas é de 9,50 euros para o público en xeral e de 6,65 para abonados, persoas con carné xove ou de estudante (ata 25 anos) e desempregados.