Concello de Narón
  • Concello de Narón
  • El tiempo en Narón
  • Entrada a Naronmail
Noticias
O REMATE DO CURSO DE "HABILIDADES PARA O TRABALLO EN EQUIPO" DARÁ PASO A NOVAS ACTIVIDADES EN MATERIA DE PARTICIPACIÓN CIDADÁ
Unha vez que se celebre o último Consello Territorial, en Doso, convocaranse uns obradoiros sobre orzamentos participativos
Narón, 28 de abril de 2016. Un total de quince persoas participaron este mes no curso sobre “Habilidades para o traballo en equipo” programado desde a Concellería de Participación Cidadá, á fronte da que está a edil Catalina García. Os pasados 19, 21 e 26 de abril os asistentes –particulares e representantes do movemento asociativo- acudiron ás clases desenvolvidas no Centro Cívico Social de San Mateo e nas que se abordaron diversas temáticas para fomentar o traballo en rede entre as entidades e onde se compartiron diversas experiencias en materia de Participación Cidadá. A promoción da participación cidadá entre as asociacións; as dinámicas en redes para persoas en risco de exclusión social e o traballo en rede para promocionar áreas como a económica ou o emprego formaron parte dos proxectos abordados nas sesións. Os asistentes destacaron a importancia destas xornadas e solicitaron a programación de novas sesións a través das que poder recibir máis asesoramento técnico. A maior parte do alumnado era de Narón, se ben acudiron persoas de Ferrol e Mugardos, materializando así as iniciativas impulsadas desde diferentes municipios da comarca, entre eles Narón, para colaborar nesta área. Catalina García subliñou a importancia de continuar traballando nesta liña e agradeceu a participación no curso de tódolos asistentes. “Quero animar tamén ao resto de entidades e veciños a participar en futuras accións formativas para continuar impulsando a Participación Cidadá no Concello de Narón”, asegurou. A concelleira avanzou ademais que o vindeiro mes de maio desde a área de Participación Cidadá convocaranse uns obradoiros sobre os orzamentos participativos. Será unha vez que rematen os Consellos Territoriais desenvolvidos nas parroquias –tan só está pendente de celebrar o de Doso-. Nas xuntanzas traballarase coas propostas recollidas meses Consellos e debatirase a necesidade e prioridade das mesmas, tal e como apuntou a edil.

<<< Febreiro 2023 >>>

LMMXVSD
 
1
2
3
4
5
6
7
8
9
10
11
12
13 14
15
16
17
18
19
20
21
22
23
24
25
26
27
28
 
Eventos do Concello
www.naron.es