Narón, 2 de maio de 2017. A décimo cuarta edición do “Encontro de Bandas de Música” organizado polo Padroado da Cultura de Narón e a Asociación Cultural Musical Sementeira desenvolverase o vindeiro sábado, día 6, no Pazo da Cultura. A cita dará comezo ás 18.00 horas e actuarán na mesma, tal e como anunciou a vicepresidenta do Padroado, Marián Ferreiro, a Banda de Vilalba, a Lira de Ribadavia e a Xove Banda de Narón, da Agrupación Cultural Musical Sementeira, que pechará o certame. As persoas que desexen asistir poden adquirir as entradas, a un prezo de dous euros, na billeteira do Pazo da Cultura, no seu horario de apertura habitual.