Concello de Narón
  • Concello de Narón
  • El tiempo en Narón
  • Entrada a Naronmail
Noticias
O PADROADO DA CULTURA REABRE A PROGRAMACIÓN DE FINAIS DE ANO NO PAZO COA REPRESENTACIÓN DE "LA AUTORA DE LAS MENINAS"
A actriz Carmen Machi forma parte do elenco desta obra, escrita e dirixida por Ernesto Caballero e que se poderá ver o 24 de setembro
Narón, 18 de setembro de 2017. O Pazo da Cultura acollerá o domingo, día 24, a representación da obra “La autora de las Meninas”, das compañías Focus e Centro Dramático Nacional. Baixo a dirección de Ernesto Caballero actuará, entre outros integrantes do elenco, a actriz Carmen Machi. A posta en escena será a partir das 19.00 horas e as entradas están á venda na billeteira do Pazo a un prezo de 18 euros para o público xeral e de 12,60 para abonados, desempregados e persoas con carné xove ou de estudante (ata 25 anos). “La autora de las Meninas” é unha sátira distópica, na que se aborda o lugar que debe ocupar a arte na sociedade e tamén o controvertible concepto de benestar social. Unha monxa, interpretada por Carmen Machi, recibe o encargo de realizar unha réplica exacta da obra “Las Meninas”, de Velázquez, ante a posibilidade de que a crise obrigue ao Estado español a desprenderse do seu patrimonio artístico. A relixiosa convertirase inesperadamente nunha recoñecida figura das artes plásticas e nunha estrela mediática, que vivirá numerosas experiencias durante o transcurso da historia, que se prolongará preto dunha hora e media. Mireia Aixalá e Francisco Reyes acompañarán a Machi no escenario desta obra, da que ademais de director é autor Ernesto Caballero.

<<< Decembro 2022 >>>

LMMXVSD
  1
2
3
4
5
6
7
8
9
10
11
12
13
14
15
16
17
18
19 20
21
22
23
24
25
26
27
28
29
30
31
 
Eventos do Concello
www.naron.es