O PAZO DA CULTURA ACOLLERÁ ESTE SÁBADO A REPRESENTACIÓN DE "LA COMEDIA DE LAS MENTIRAS"
Os actores Pepón Nieto e María Barranco forman parte do elenco desta obra teatral, que dará comezo ás 20.00 horas
Narón, 30 de xaneiro de 2018. A compañía Pentación Espectáculos representará o vindeiro sábado, día 3, no Pazo da Cultura a obra La comedia de las mentiras. A cita será a partir das 20.00 horas e as entradas están xa á venda na billeteira do Pazo e na web do Padroado da Cultura –www.padroadodecultura.es-, a un prezo de 20 euros para o público xeral e de 14 para abonados, desempregados, persoas con carné xove ou de estudante (ata 25 anos).
O elenco, integrado por Pepón Nieto, María Barranco, Paco Tous, Canco Rodríguez, Angy Fernández, Raúl Jiménez e Marta Guerras, estará dirixido por Pep Antón Gómez. Nas dúas horas da representación desta comedia, ubicada en Atenas e protagonizada por dous irmáns, Hipólita e Leónidas, abordaranse temas como o amor, a avaricia e a mentira.