Narón, 20 de marzo de 2018. Unha vintena de escolares de quinto curso de educación Primaria do CPR Ayala visitaron o Concello de Narón. Os menores percorreron algunhas dependencias municipais antes de dirixirse ao salón de plenos, donde os recibiu a alcaldesa, Marián Ferreiro. Unha vez no citado salón as rapazas e rapaces realizaron unha serie de preguntas á rexedora local, interesándose principalmente polo seu traballo á fronte do Consistorio. Os menores recibiron como agasallo unha gorra do Concello de Narón. A visita realizada esta mañá dá continuidade á programación deseñada cos centros educativos da cidade a través do Servizo Sociocomunitario Municipal. A vindeira visita está programada para o día 10 de abril, cando se desprazarán ao Concello unha vintena de estudantes, nesa ocasión de sexto curso de educación Primaria do mesmo centro, o CPR Ayala.