Concello de Narón
  • Concello de Narón
  • El tiempo en Narón
  • Entrada a Naronmail
Noticias
ABERTO O PRAZO PARA SOLICITAR A INSTALACIÓN DE POSTOS NO X MERCADO DE SEGUNDA MAN DE SEDES
A concelleira de Feiras e Mercados, Mar Gómez, indicou que o evento terá lugar o vindeiro 16 de decembro no recinto feiral do Trece
Narón, 26 de novembro de 2018. O vindeiro 16 de decembro celebrarase no recinto feiral do Trece, na parroquia de Sedes, a décima edición do Mercado de Segunda Man. Aquelas persoas interesadas en instalar postos no recinto deben cubrir unha instancia que poden recoller no Rexistro do Concello, de luns a venres en horario de 8.30 a 13.30 horas, tal e como indicou a concelleira de Feiras e Mercados, Mar Gómez. O Mercado de Segunda Man estará operativo de 10.00 a 14.00 e desde as 16.00 ata as 19.00 horas e o número de participantes no mesmo está limitado a un máximo de 120, debido á capacidade do recinto feiral. As persoas que instalen os postos terán que entregar un mínimo de catro quilos de alimentos ou produtos de limpeza, que se entregarán ao Centro de Recursos Solidarios de Narón. Así mesmo, a edil naronesa recalcou que esta convocatoria está aberta a particulares, non a comerciantes nin vendedores ambulantes, que non se admitirán animais, produtos alimenticios ou bebidas e que está prohibida a venda de artesanía. A montaxe dos postos será o día previo ao evento, na xornada do 15 de decembro, a partir das 16.00 horas ou o propio día, o 16, de 8.00 a 10.00 horas e a inscrición é de balde.

<<< Febreiro 2023 >>>

LMMXVSD
 
1
2
3
4
5
6
7
8
9
10
11
12
13 14
15
16
17
18
19
20
21
22
23
24
25
26
27
28
 
Eventos do Concello
www.naron.es