Narón, 25 de abril de 2019. A compañía Pentación estará o vindeiro sábado, día 27, en Narón, para representar a obra de teatro Hablar por hablar. O espectáculo dará comezo ás 20.00 horas no Pazo da Cultura e diríxese a persoas maiores de 14 anos. As entradas poden adquirirse na billeteira do Pazo ou na web do Padroado da Cultura –www.padroadodecultura.es- a un prezo de 16 euros para o público xeral e de 11,20 para abonados, desempregados e persoas con carné xove ou de estudante (ata 25 anos). A obra Hablar por hablar está inspirada nas historias do lendario programa do mesmo nome da cadea Ser, emitido de madrugada e na que ouvintes anónimos contan historias persoais que aqueles que as escoitan chegan a sentir, en ocasións, que forman parte delas, a modo de cómplices das mesmas. O elenco da obra está formado por Julio Cortázar, Ángeles Martín, Samuel Viyuela, Carolina Yuste e Pepa Zaragoza.