Concello de Narón
  • Concello de Narón
  • El tiempo en Narón
  • Entrada a Naronmail
Noticias
O EQUIPO DE EUCACIÓN VIARIA DE NARÓN RECIBIRÁ ESTE VENRES O PREMIO ÁS BOAS PRÁCTICAS DAS POLICÍAS LOCAIS DE GALICIA
Os axentes Pedro Caneiro e Sonia López recibirán a distinción nun acto que se celebrará na sede da Agasp, na Estrada (Pontevedra)
Narón, 23 de outubro de 2019. Os axentes da Policía Local de Narón Pedro Caneiro e Sonia López, integrantes do Equipo de Educación Viaria de Narón, recbirán este venres na Academia Galega de Seguridade Pública (Agasp) na Estrada (Pontevedra), o Premio ás Boas Prácticas das Policías Locais de Galicia. A alcaldesa da cidade, Marián Ferreiro, felicitou novamente aos axentes naroneses polo traballo que se está realizando dende o Concello nesta área e destacou o compromiso do goberno local coa educación e a seguridade viarias. Os afiliados e afiliadas de Axempol foron os encargados de votar ás diferentes candidaturas presentadas ás distincións á Dirección das Policías Locais de Galicia 2019. O acto de entrega da distinción terá lugar no transcurso do “III Encontro das Policías Locais de Galicia”, convocado pola Asociación de Xefes de Corpo e Mandos de Policía Local de Galicia (Axempol) e a Unión Nacional de Jefes e Directivos da Policía Local (Unijepol-Galicia) e está aberto a todos os integrantes das Policías Locais de Galicia, incluíndo no programa a ceremonia de entrega das medallas ao Bo servizo nas Policías Locais e das distincións ás Policías Locais de Galicia outorgadas por Axempol. O acto inaugural da terceira edición do Encontro das Policías Locais de Galicia será ás 9.30 horas e no mesmo, a maiores do alcalde da Estrada, José López, participarán o presidente nacional de Unijepol, Pascual Martínez, e o presidente de Axempol, José Antonio Brandariz. A ceremonia de entrega das distincións ás Policías Locais de Galicia será a partir das 12.30 horas. O Equipo de Educación Viaria de Narón foi, xunto coa Policía Local da Coruña, a gañadora do Premio ás Boas Prácticas das Policías Locais de Galicia concedido para poboacións de máis de 25.000 habitantes. “É un gran orgullo o feito de que os propios compañeiros e compañeiras da Policía Local recoñezan a nivel autonómico o traballo que se está realizando dende o Equipo de Educación Viaria de Narón”, asegurou Ferreiro. A alcaldesa subliñou que “continuaremos apostando por esta área, traballando e impulsando novas accións encamiñadas a facer de Narón unha cidade cada día máis segura coa colaboración de todas as nosas veciñas e veciños, aos que temos que agradecer a súa implicación en cantas iniciativas impulsamos en materia de seguridade e educación viaria”.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal