Narón, 15 de novembro de 2019. A alcaldesa de Narón, Marián Ferreiro, asinou esta mañá o convenio de colaboración en materia de acción social “Educación para a saúde-nutrición escolar” 2019, xunto coa representante da ANPA “CEIP Ponte de Xuvia”, Ángela María Rodríguez López. Á firma asistíu a concelleira de Ensino, Mercedes Taibo. O programa de Educación para a Saúde-Nutrición Escolar e de conciliación da vida familiar propicia unha intervención de ámbito socioeducativo cuns obxectivos desenvolvidos na actividade de comedor escolar de almorzos como son: • Mellora da nutrición infantil en idades de 3 a 12 anos creando hábitos de inxestión de almorzos equilibrados e suficientes. • Creación de hábitos de hixiene buco-dental • Practicar destrezas e habilidades relacionais por medio de xogos cooperativos • Conciliación da vida familiar coa realidade social e laboral A alcaldesa agradeceu o traballo realizado pola ANPA e a súa implicación e colaboración coa administración local nestas actuacións de carácter socio-educativas en beneficio da saúde nutricional do alumnado e da conciliación da vida familiar.