Narón, 26 de xuño de 2020. O Concello editou un total de 5.500 exemplares dunha guía da área de Promoción Económica co obxectivo de dar a coñecer entre o sector empresarial o potencial que ofrece a cidade para o asentamento nos polígonos industriais das Lagoas, A Gándara ou Río do Pozo. O concelleiro de Promoción Económica, David Pita, incidiu en que esta publicación “xorde co fin de ampliar o tecido industrial desta cidade, motor económico da comarca e cunhas excelentes comunicacións e conexións que favorecen o desenvolvemento empresarial”. A publicación entregarase en asociacións empresariais e tamén estará dispoñible –cumprindo as medidas preventivas da Covid-19- en feiras e eventos vencellados ao sector. “Debido á actual situación e ás medidas sanitarias, a publicación pódese consultar, en castelán e en galego, dende a páxina web municipal, na dirección: www.naron.es”, apuntou Pita. Un resumo cos datos básicos da creación de cada un dos tres polígonos industriais da cidade, as vías de comunicación e distancias ás principais ciudades galegas ocupa as primeiras páxinas desta publicación. Complétase coa superficie disponible en venta e un mapa de cada un dos catro sectores do polígono industrial de Río do Pozo: unha no sector un, outra no sector tres e sesenta no cuarto. Para completar información de interese ao empresariado, tamén se recorda que o Concello se adheriu no ano 2018 ao protocolo “Concellos Doing Business”, asinado entre a Xunta de Galicia e a Fegamp e no que se contemplan bonificacións no ICIO, IBI e IAE cumprindo unha serie de requisitos dos que se poden beneficiar pequenas e medianas empresas; grandes empresas, superficies comerciais e áreas de comercio mixto ou multiproduto.