Narón, 19 de agosto de 2020. O edil de Seguridade Cidadá, Román Romero, anunciou o corte ao tráfico rodado, a partir de mañá ás 8.00 horas, do Camiño do Lodairo e da rúa Bergantiños. A medida responde, tal e como explicou, ao avance na execución dos traballos de reforzo da rede de saneamento nun tramo da estrada de Castela, concretamenteo comprendido entre o Camiño do Pino e o parque de Freixeiro. Romero indicou que a previsión da empresa que realiza as obras é reabrir de novo ao tráfico rodado mañá a última hora o Camiño do Lodairo, se ben a rúa Bergantiños permanecerá cortada unha semana, debido ás actuacións que se levarán a cabo. O edil naronés solicitou de antemán desculpas polas molestias que poida ocasionar esta medida, necesaria para poder executar uns traballos moi necesarios na zona.