Narón, 12 de agosto de 2021. O Boletín Oficial da Provincia (BOP) publicou hoxe a resolución da aprobación da xustificación de subvencións concedidas ao abeiro do programa PEL-Reactiva. Unha vez presentadas as pertinentes facturas xustificativas por parte dos/as beneficiarios/as destas axudas, procedeuse á súa comprobación para emitir a xustificación final, que pode consultarse a través da Sede Electrónica do Concello de Narón –sedeelectronica.naron.es- no Taboleiro de anuncios e no Catálogo de Servizos. Contra esta resolución poderase interpoñer recurso potestativo de resolución no prazo dun mes, ou recurso contencioso-administrativo, no prazo de dous meses, a partir de mañá venres. Tras esta publicación no BOP a Tesourería Municipal comprobará antes do pago das pago de subvencións que as persoas e empresas beneficiarias están ao corrente coas obrigas tributarias co Concello.