Concello de Narón
  • Concello de Narón
  • El tiempo en Narón
  • Entrada a Naronmail
Noticias
O GRUPO DE BAILES TRADICIONAIS "ALXIBEIRA" PRESENTARÁ ESTE DOMINGO NO PAZO O SEU NOVO REPERTORIO
A ciita será ás 19.00 horas e as entradas poden adquirirse na billeteira do Pazo ou na web do Padroado da Cultura
Narón, 26 de novembro de 2021. O Grupo de Bailes Tradicionais “Alxibeira”, do Padroado da Cultura, presentará este domingo, día 28, no Pazo da Cultura, o seu novo repertorio. A alcaldesa e presidenta do Padroado da Cultura, Marián Ferreiro, destacou o traballo realizado dende a formación “por continuar mantendo vivas as nosas tradicións culturais e ofrecernos este novo repertorio con novas músicas, cancións, vestiarios e bailes”. A cita será ás 19.00 horas e as entradas poden adquirirse, a un prezo de tres euros, na billeteira do Pazo e na web do Padroado da Cultura: www.padroadodecultura.es. A alcaldesa destacou o importante labor de todas aquelas persoas que, na traxectoria desta agrupación –constituída no ano 1986-, fixeron posible recuperar unha parte moi importante da cultura tradicional galega e ser hoxe en día un referente dentro e fóra de Narón. Baixo a dirección de Quique Peón, os integrantes de “Alxibeira” subiranse o domingo ao escenario do Pazo para deleitar ao público, durante aproximadamente unha hora, co seu repertorio. O Grupo de Bailes Tradicionais “Alxibeira” intégrano, dende a súa constitución, varias rapazas e rapaces de Narón e tamén doutros concellos. Coa chegada do novo repertorio tamén se coñecerán as novas incorporacións a esta agrupación que partiu de alumnado das Escolas de Baile Tradicional do Padroado da Cultura de Narón.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal