Narón, 29 de novembro de 2021. Os Consellos Territoriais de Participación Cidadá continuarán esta semana en San Xiao, Santa Icía, O Alto e Sedes. A edil de Participación Cidadá, Catalina García, recordou que a primeira das sesións será esta tarde, ás 18.00 horas no local social de San Xiao. As citas continuarán mañá no local social “Virxe do Mar”, en Santa Icía -19.00-. As dúas últimas sesións deste ano, terán tamén lugar esta semana, o mércores no local social do Alto do Castiñeiro -18.00 horas- e o xoves no de Sedes -19.30-. No transcurso dos Consellos Territoriais de Participación Cidadá representantes do goberno local abordan coas veciñas e veciños dos barrios e parroquias da cidade temas que se trataron nos programados a principios deste ano e outros de máis actualidade, de actuacións ou algúns proxectos en marcha no termo municipal. As persoas que desexen asistir deben confirmalo previamente enviando un correo electrónico á dirección: escolaparticipacion@naron.es ou a través do número de teléfono 603 865 413.