Concello de Narón
  • Concello de Narón
  • El tiempo en Narón
  • Entrada a Naronmail
Noticias
UNHA VINTENA DE PERSOAS INSCRIBÍRONSE NO CURSO DE "TURISMO MARIÑEIRO" DO PROGRAMA NARÓN EMPRENDE EN AZUL
As sesións programadas, que rematan mañá, teñen entre os seus obxectivos incidir na diversificación da actividade pesqueira, tal e como indicou o edil de Promoción Económica, David Pita
Narón, 3 de marzo de 2022. Unha vintena de persoas inscribíronse no curso de “Turismo mariñeiro” iniciado na tarde de onte nas instalacións do Club de Golf Campomar, na parroquia naronesa do Val, tal e como indicou o concelleiro de Promoción Económica, David Pita. Trátase dunha proposta enmarcada no programa “Narón emprende en azul” e que conta co apoio do Fondo Europeo Marítimo e de Pesca (FEMP) e a Consellería do Mar da Xunta de Galicia a través do Grupo de Acción Local do Sector Pesqueiro Golfo Ártabro Norte. O edil de Medio Ambiente, Santiago Galego, acudiu á presentación da convocatoria, impartida por profesionais na materia. As sesións están enfocadas ao sector do turismo mariñeiro e inciden especialmente nas vías de diversificación da actividade pesqueira, atendendo ás posibilidades de crear novas fontes de ingresos sostibles á xente do mar e tamén mellorar a calidade de vida das zonas costeiras, tal e como se anunciou. O curso desenvolverase tamén esta tarde -16.00 a 20.00 horas- e rematará mañá –de 16.00 a 19.00-. Os novos modelos de negocio como futuro do sector, como é o caso do turismo mariñeiro, forman parte dos contidos que se impartirán durante estas tres xornadas. A posta en valor do traballo dos profesionais do mar, o deseño de proxectos para dalo a coñecer á cidadanía e a potenciación da diversificación pesqueira e económica do territorio forman parte dos obxectivos desta convocatoria.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal