Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO ABRE O PRAZO DE INSCRICIÓN NOS OBRADOIROS "DESCÚBRETE", DO PROGRAMA MUNICIPAL DA ÁREA DE IGUALDADE, E "AXUDA O TEU CORPO", DA ÁREA DE SANIDADE
Gómez e Galego incidiron no feito de que estas iniciativas apostan por mellorar a calidade de vida das persoas participantes e animaron á cidadanía a inscribirse nas actividades presentadas
Narón, 11 de xaneiro de 2023. A concelleira de Igualdade, Mar Gómez, e o concelleiro de Sanidade, Santiago Galego, anunciaron esta mañá a apertura do prazo de inscrición nos obradoiros “Descúbrete” e “Axuda o teu corpo”, enmarcados nos programas municipais das súas respectivas áreas de Igualdade e Sanidade. Mar Gómez informou que o obradoiro “Descúbrete”, dirixido a mulleres maiores de 50 anos empadroadas en Narón, ten como obxectivo fundamental acadar un maior benestar bio-psico-social e aprender o necesario para mantelo de xeito autónomo así como adquirir novas habilidades para valorarse a sí mesmas. Obxectivos específicos do programa son propiciar a creación dunha rede social de apoio, un espazo de aprendizaxe emocial como forma de acadar un maior benestar físico e psíquico, dotar ás persoas beneficiarias de ferramentas para o autocoidado emocional e cambio de perspectivas ante diferentes situacións da vida. Tamén incidirá na facilitación dun espazo distendido onde divertirse, compartir e facer novas amizades na busca do benestar psicosocial. A actividade propiciará un tempo de desconexión da rutina diaria onde lograr conectar con outras persoas e outras circunstancias que axuden a renovar a enerxía vital e acadar unha visión máis positiva sobre sí mesmas. As datas de celebración previstas será de xaneiro a xuño de 2023, terán lugar nun centro cívico social ou centro comunitario. O número de plazas, será de 30 en total, a forma de selección das persoas participantes será por orde de entrada no Rexistro, e serán divididas en tres grupos cos seguintes horarios: Grupo 1: martes de 10.00 a 12.00 horas, Grupo 2: martes de 16.30 a 18.30 horas, e Grupo 3: mércores de 16.30 a 18.30 horas. As solicitudes poderán presentarse a través da sede electrónica, no Rexistro municipal ou en calquera dos lugares e rexistros establecidos nos artigos 14.1 e 16.4 da Lei 39/2015, do 1 de outubro, do procedemento administrativo común das administracións públicas, utilizando o formulario normalizado dispoñible na sede electrónica do Concello de Narón. Santiago Galego informou que a actividade “Axuda o teu corpo ” está dirixido a persoas maiores de 18 anos diagnosticadas cunha doenza crónica que queiran facer exercicio adaptado para axudar ó seu corpo a levar mellor os procesos de enfermidade, así como compartir e relacionarse a nivel social, traballar as habilidades sociais e persoais e a xestión emocional. Unha abordaxe bio-psico-social que as leve a acadar un maior benestar en todos os ámbitos. As datas de celebración irán desde o mes de xaneiro ata xuño de 2023, ambos inclusive. Serán impartidos no Centro cívico social de Xuvia e no Centro Comunitario Manuela Pérez Sequeiros. O número de plazas, cubertas por rigoroso orde de rexistro, será de 20 en total e divididas en dous grupos cos seguintes horarios: Grupo I: luns e venres de 10.00 a 11.30 horas e Grupo II: martes e venres de 16.30 a 18.00 horas. As solicitudes poderán presentarse a través da sede electrónica, no Rexistro municipal ou en calquera dos lugares e rexistros establecidos nos artigos 14.1 e 16.4 da Lei 39/2015, do 1 de outubro, do procedemento administrativo común das administracións públicas, utilizando o formulario normalizado dispoñible na sede electrónica do Concello de Narón.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal