Narón, 22 de Setembro de 2010.-O Concelleiro de Formación Laboral e Emprego, Jose Luis Suárez, entregou hoxe no Concello os diplomas ós alumnos/as dos cursos do Plan AFD (Accións Formativas para os Desempregados) da Xunta de Galicia, correspondentes á anualidade do 2009. En concreto, leváronse a cabo catro cursos correspondentes ás especialidades de Electronicista básico de edificios (9 alumnos), Carpinteiro (12), Caldereiro-tubeiro (13), e Electricista (13). O número total de alumnos que remataron os cursos é de 47 persoas. Tódolos seminarios se desenvolveron no Centro Municipal de formación “Irmás Froilaz”, situado no polígono de A Gándara. O orzamento total destos cursos ascendeu a 380.318 € aportados polo goberno autonómico. Ademáis de ceder as instalacións municipais, o Concello completou o programa destos cursos con dous módulos transversais de Formación para a Igualdade, e Alfabetización informática (informática básica e internet).