Narón, 1 de Decembro de 2010.- O Concello de Narón abriu hoxe día 1 de decembro o prazo de solicitude para a inscrición no Censo Electoral Municipal por parte de estranxeiros extracomunitarios (de países que non pertencen á UE) residentes en España, de cara á súa participación nas eleccións municipais do 22 de maio de 2011. O prazo de inscrición finalizará o dia 15 de xaneiro de 2011. Os interesados deberán dirixirse ó Concello de Narón en horario de 9 a 13 horas, e cubrir a correspondente solicitude que se lles entregará no Rexistro Xeral Municipal. Ademáis, deberán cumprir os seguintes requisitos para a súa inscrición no Censo Electoral: ser maior de 18 anos e non estar privado do dereito de sufraxio activo, estar inscrito no padrón municipal de habitantes, estar en posesión da autorización de residencia en España, e residir legalmente en España o tempo esixido no correspondente acordo –cinco anos no momento da solicitude, ou tres anos no día da votación para os nacionais de Noruega-. Nas eleccións municipais de maio de 2011 poderán votar os cidadáns, maiores de idade no día da votación, que sexan nacionais da Unión Europea e doutros países con acordos que lles recoñeza ese dereito e sexan residentes en España, en virtude da normativa legal que rixe estas actuacións.