Concello de Narón
  • Concello de Narón
  • El tiempo en Narón
  • Entrada a Naronmail
Noticias
ENTREGA DE PREMIOS DA CAMPAÑA DE PROMOCIÓN DO COMERCIO E DA HOSTALERÍA
Desenvolveuse no Nadal, cun concurso de tapas e outro de ambientación navideña, ademáis do sorteo de agasallos entre os clientes.
Narón, 11 de Xaneiro de 2012.- O Alcalde de Narón, José Manuel Blanco, e o Concelleiro de Promoción Económica, Pablo Villamar, entregaron hoxe os premios correspondentes á campaña de apoio ó pequeno comercio e hostelería de Narón, desenvolvida ó longo das últimas catro semanas (do 12 de decembro de 2011 ó 10 de xaneiro de 2012). Esta iniciativa tivo tres vertientes diferenciadas: a promoción do comercio (a través dun sorteo de premios no que participaron os clientes que mercasen en alomenos tres establecementos diferentes, reuníndose un total de 12.945 papeletas), a implicación dos comerciantes nesta campaña (mediante un concurso de ambientación navideña dos seus negocios) e a potenciación da hostalería (cun concurso de tapas no que participaron 4 establecementos). Así, hoxe elexíronse por sorteo os gañadores dos premios que se sorteaban entre os 76 establecementos comerciais adheridos á campaña. O primeiro premio, consistente nunha viaxe para dúas persoas no tren turístico de FEVE, foi para Dolores Lamas Viveiro, de Narón, mentres que o segundo, un cheque por valor de 1.000€ para gastar nestos establecementos, recaeu en Mª Mercedes Gómez Fernández, tamén de Narón. Ademáis, premiáronse os mellores escaparates navideños, resultando gañadores os seguintes establecementos: Mi Nené (1º premio), Optica Valero (2º) e Telemática Galicia (3º), que recibiron un agasallo económico de 200€, 100€ e 50€ respectivamente. No apartado correspondente á hostalería, entregáronse os premios correspondentes ó I Concurso de Tapas, que se serviron xunto coa consumición nos catro establecementos participantes. O xurado decidíu que todos eles eran merecedores dos premios, polo que o 3º foi compartido entre o Restaurante A Trasanquesa e o Café Ronxel II, o 2º foi concedido a Casa Sindo, e o 1º premio foi para o Mesón O Pío. Os representantes da Asociación de Comerciantes de Narón e da Asociación de Hostalería de Ferrolterra, Eume e Ortegal agradeceron ó Concello o apoio prestado na promoción do comercio e da hostelería local. Pola súa banda, o Alcalde e o Concelleiro de Promoción Económica coincidiron en sinalar que estas accións de respaldo ó comercio e á hostelería continuarán realizándose ó longo deste ano.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal