Concello de Narón
  • Concello de Narón
  • El tiempo en Narón
  • Entrada a Naronmail
Noticias
O PAZO DA CULTURA ACOLLERÁ A REPRESENTACIÓN DA OPERA 'TURANDOT' DE PUCCINI, INTERPRETADA POLA COMPAÑÍA CONCERLIRICA
As entradas xa están á venda ó prezo de 30 euros. O espectáculo terá lugar o sábado 31 de marzo de 2012.
Narón, 16 de Febreiro de 2012.- O Pazo da Cultura de Narón acollerá o vindeiro 31 de marzo a representación da Ópera “Turandot” de Giacomo Puccini, a cargo da compañía de ópera internacional Concerlírica, coa participación de 120 artistas (entre orquestra, coro e solistas). Trátase da sexta vez que se representa no Pazo da Cultura unha ópera, que nesta ocasión non suporá ningún gasto para o Concello xa que a compañía Concerlírica recadará unicamente a taquilla dese día. A ese respecto, o Concelleiro de Cultura de Narón, Guillermo Sánchez Fojo quixo agradecer a colaboración prestada por esta compañía para poder desenvolver un espectáculo desta envergadura en Narón, sen gasto algún para o Concello. “Debido ó recorte orzamentario de 350.000€ nos Orzamentos Municipais do 2012 en cultura, resultaba practicamente imposible poder contratar unha ópera, pero a compañía Concerlírica prantexounos esta posibilidade, coma unha especie de colaboración con nos”, salientou o edil de Cultura. Así, Concerlírica obterá unicamente o recadado na taquilla, que no mellor dos casos (vendendo as máis de 900 localidades) suporá un déficit de 19.000€ xa que neste espectáculo traballan 140 persoas, entre actores e equipo técnico. As entradas xa están á venta, ó prezo de 30€ para público xeral, e 25€ para abonados. A compañía de opera internacional Concerlírica produce e distribúe ópera, ballet e concertos de música clásica en España. Case 20 anos de experiencia avalan a unha das produtoras máis importantes e consolidadas de España, realizando máis de 200 representacións cada ano. Nos últimos anos situouse como unha das produtoras de ópera máis importantes de Europa, e mantén unha colaboración permanente coas producións de teatros coma o de Donetsk (Ucrania) cuxo equipo representará o espectáculo ‘Turandot’. O Teatro da Opera Nacional de Donetsk ten un equipo estable de 900 persoas no seu país, entre elenco artístico, equipo administrativo e técnico. Dende 1996 colaboran con Concerlírica dun xeito initerrumpido, cun mínimo de 80 representacións cada temporada. Ficha técnica: Reparto TURANDOT: MARIBEL ORTEGA ( España) TATIANA PLEKHANOVA (Rusia) Soprano CALAF: GIORGI MELADZE (Georgia) / MARTIN ILIEV ( Bulgaria ) BIUNG SAM LEE ( Corea) TIMUR: MAKSIM IVASCHUK ( Ucrania) Bajo LIÙ: MIKI MORI (Japón) / LUCIANA CECILLE ( Brasil) Soprano PING: VLADISLAV LISAK Barítono PANG: PAVEL NAUMENKO, Tenor PONG: SERGUEI UDOVIN Tenor MANDARIN: STANISLAV SEREDIUK Equipo artístico: DIRECTOR MUSICAL: VASYL VASILENKO / VICTOR LEMKO DIRECTORA DE CORO: LUDMILA STRELSOVA DIRECTOR DE ESCENA: NADIA SHVETS DISEÑO DE LUCES: TEATRO OPERA DONETSK MAESTRA INTERNA: NINA ILINIA TRADUCCIÓN SIMULTÁNEA: ANTONIO GARCIA DE CASTRO DIRECCIÓN ARTÍSTICA: LEONOR GAGO DIRECCIÓN GENERAL: CONCERLIRICA S.L

<<< Xaneiro 2023 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
Eventos do Concello
www.naron.es