O Concello de Narón, recibiu a primeira notificación das axudas que o Goberno central destinará ós concellos para actuacións de execución inmediata que supoñan creación de emprego. A cantidade destinada a Narón é de 6.414.940€. Segundo o Alcalde, Xoán Gato, o Concello comezou xa a traballar no destino desa axuda. As condicións do Goberno central son que as actuacións non formen parte dos presupostos municipais, que se presenten os seus proxectos antes do 20 de xaneiro e que as súas obras empecen antes do mes de marzal, rematando nun prazo dun ano. Dado que as obras que poden xerar máis emprego estaban incluídas nos presupostos do ano 2009, os departamentos de tesourería, contratación e obras, traballan agora en retiralas deles e sustituílas por outras que non requiran de tanto persoal. O Alcalde afirmou que estanse a centrar en obras de edificación pública para os proxectos, porque son as que contratan máis persoal e de maior variedade, tales como acondicionamento de entornos urbanos, obras de sinalización viaria, construción de locais sociais, etc. Isto podería xerar un pequeno retraso na aprobación dos presupostos, que aínda así, o Concello pensa aprobar como é tradición, antes de fin de ano.