Concello de Narón
  • Concello de Narón
  • El tiempo en Narón
  • Entrada a Naronmail
Noticias
A CONCELLEIRA DE IGUALDADE ASINOU HOXE EN LUGO A ADHESIÓN DO CONCELLO Á CAMPAÑA "EN NEGRO CONTRA AS VIOLENCIAS"
Mar Gómez destacou a importancia do traballo conxunto das administracións co conxunto da sociedade para erradicar a violencia de xénero
Narón, 22 de novembro de 2019. A concelleira de Igualdalde de Narón, Mar Gómez, desprazouse esta mañá a Lugo para asistir ao acto institucional de asinado do “Protocolo de colaboración para o desenvolvemento da quinta edición da campaña En Negro contra as violencias”, á que un ano máis se adheriu o Concello de Narón. A convocatoria tivo lugar ás 12.00 horas no Centro Cultural O Vello Cárcere. Mar Gómez incidiu en que a través desta campaña xa se están desenvolvendo actividades en Narón, no marco do programa do 25N, Día Internacional contra a violencia de xénero. “O Concello de Narón está comprometido na loita contra calquera manifestación de violencia en xeral e a exercida contra as mulleres en particular, polo que a maiores das actividades que se levarán a cabo ao longo deste mes na cidade, continuaremos impulsando o resto do ano iniciativas con diferentes colectivos sociais co obxectivo de erradicar este tipo de condutas”. Nos obxectivos do propio Plan Municipal de Igualdade de Narón –a segunda edición- recóllese a necesidade de visibilizar a loita real contra a violencia de xénero, tal e como recordou Gómez, que subliñou a importancia do traballo conxunto entre as administracións e os diferentes colectivos da sociedade para erradicar a lacra social que supón a violencia de xénero.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal