ESGOTADAS AS ENTRADAS PARA OS CONCERTOS DE BUDIÑO&NOVOA E A BANDA DA LOBA DE "NOITES Á FRESCA"
En menos dun día esgotáronse as 120 localidades reservadas para cada un destes concertos, que terán lugar o 16 e 17 de xullo nas inmediacións da magnolia centenaria de Xuvia
Narón, 2 de xullo de 2021. En menos de vinte e catro horas esgotáronse as entradas para asistir aos concertos do programa “Noites á fresca” que terán lugar os días 16 e 17 de xullo xunto á magnolia centenaria de Xuvia. O día 16 actuarán Budiño&Novoa e o 17 A Banda da Loba, en ambos casos a partir das 22.00 horas.
O Concello habilitou un total de 120 entradas, de balde, para cada un destes concertos, que se puxeron á venda onte ás 12.00 horas e que se puideron reservar a través da plataforma: www.ataquilla.com, esgotándose esta mesma mañá.