Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO CONVOCA DÚAS ACCIÓNS FORMATIVAS ENMARCADAS NO PROXECTO "MERGULLANDO"
Os dous cursos, dirixidos á cidadanía e de balde, foron presentados hoxe no Concello polos edís de Promoción Económica, David Pita, e Medio Ambiente, Santiago Galego
Narón, 16 de setembro de 2021. Os edís de Promoción Económica, David Pita, e Medio Ambiente, Santiago Galego, presentaron esta mañá dúas novas accións formativas que se convocan no marco do proxecto “Mergullando”. Esta iniciativa, tal e como recordaron, desenvólvese co apoio do Fondo Europeo Marítimo de Pesca (FEMP) e a Consellería do Mar da Xunta, a través do Grupo de Acción Local del Sector Pesquero Golfo Ártabro Norte. As dúas convocatorias levaranse a cabo nas instalacións do Club de Golf Campomar, no lugar de Vilacornelle (O Val), ao que dende o Concello agradeceron a colaboración. A primeira das accións é sobre Impulso de creación de empresas no marco dunha economía azul e sostible, o xoves 23 de 16.00 a 20.00 horas. Conceptos básicos do emprendemento, liñas de financiación, xestión empresarial dun negocio, emprendemento… son algúns dos temas que abordará unha persoa licenciada en Dirección e Administración de Empresas. O segundo curso é sobre Medio Ambiente e Sostibilidade e impartirase o vindeiro día 24 deste mes, de 16.00 a 20.00 horas. Que é a sostibilidade, os requisitos legais medioambientais e pesqueiros, diagnóstico en recursos, procesos, emisións… forman parte dos contidos a tratar nesas catro horas. Unha persoa licenciada en veterinaria, experta en sostibilidade pesqueira, será a encargada de impartir o curso. As persoas interesadas en acudir deben enviar un correo electrónico á dirección: m.ambiente@naron.es. Os edís naroneses animaron ás veciñas e veciños a participar nestas convocatorias, organizadas polo Concello e de balde.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal