Concello de Narón
  • Concello de Narón
  • El tiempo en Narón
  • Entrada a Naronmail
Noticias
O CONCELLO ACOLLEU O ACTO DE ENTREGA DO TERCEIRO PREMIO DO "XII CONCURSO DE FOTOGRAFÍA CIDADE DE NARÓN"
O pai da gañadora, Noelia Uceira Vilar, veciña de Valdoviño, foi a persoa que recolleu o premio, dotado con 150 euros
Narón, 8 de novembro de 2021. A concelleira de Turismo, Natalia Hermida, entregou hoxe o terceiro premio do “XII Concurso de Fotografía Cidade de Narón”, que foi para a valdoviñesa Noelia Uceira Vilar pola súa imaxe “Estación atemporal”. O pai da gañadora foi a persoa encargada de recoller o premio, ao non poder vir ela, que recibiu 150 euros. O pasado 4 de outubro un xurado integrado por tres profesionais da fotografía reuniuse para ver as 70 imaxes presentadas a esta edición do certame por parte de vinte e cinco persoas, maioritariamente de Narón pero tamén dos concellos de Ferrol, Fene, San Sadurniño, Valdoviño e Neda. O impacto visual, a calidade técnico-artística e a creatividade das imaxes foron os aspectos que puntuou o xurado. De todas as presentadas, as doce que recibiron a maior puntuación pasarán a formar parte do calendario de sobremesa que editará o Concello de Narón para o vindeiro ano, tal e como indicou a edil de Turismo. Hermida, que xa felicitara á galardoada, trasladoulle de novo os parabéns ao seu pai e animou a Noelia Uceira a presentarse ás vindeiras edicións deste certame, sendo este ano o primeiro no que se decidiu a formar parte do mesmo con fotografías propias.

<<< Xaneiro 2023 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
Eventos do Concello
www.naron.es