CORTES NO SUBMINISTRO DE AUGA O VINDEIRO LUNS NA GÁNDARA PARA REPARAR A REDE DE ABASTECEMENTO
A medida afectará á avenida do Mar e á rúa do Pavillón, tal e como indicou o concelleiro de Servizos, Ibán Santalla
Narón, 23 de setembro de 2022. O concelleiro de Servizos, Ibán Santalla, anunciou que o vindeiro luns, día 26, se rexistrarán cortes no subministro de auga na avenida do Mar e na rúa do Pavillón, na Gándara, entre as 8.00 e as 22.00 horas. A medida responde á necesidade de realizar labores de reparación na rede de abastecemento, unha tarefa que acometerán operarios da empresa mixta Cosma.
Dende o Consistorio e a empresa solicítanse de antemán desculpas polas posibles molestias que se poidan ocasionar.