Concello de Narón
  • Concello de Narón
  • El tiempo en Narón
  • Entrada a Naronmail
Noticias
A SOCIEDADE CULTURAL E RECREATIVA A POMBIÑA ACOLLERÁ UN ESPECTÁCULO DE ÓPERA CONTEMPORÁNEA PARA MOCIDADE E PÚBLICO ADULTO
A concelleira de Ensino, Mercedes Taibo, explicou que é unha proposta coorganizada polos servizos de normalización lingüística do Concello e da Deputación da Coruña
Narón, 7 de outubro de 2022. “Papagena”, da compañía ButacaZero é un espectáculo de ópera contemporánea de Iago Hermo que se poderá ver o vindeiro 15 de outubro nas instalacións da Sociedade Cultural e Recreativa “A Pombiña”, na parroquia de Pedroso. A cita, de case unha hora de duración, dará comezo ás 19.00 horas e diríxese a mocidade e público adulto, tal e como avanzou a concelleira de Ensino, Mercedes Taibo. O Servizo de Normalización Lingüística do Concello de Narón colabora coa Sección de Normalización Lingüística da Deputación da Coruña na organización deste evento. A soprano Esperanza Mara, o barítono Jacobo Rubianes e o músico e compositor da ópera Iago Hermo son os piares desta peza, deseñada para os grandes teatros e tamén para espazos e vilas. “Papagena” é unha ópera electrónica que xorde da figura dun personaxe homónimo da Frauta máxica de Mozart. A través desta produción analízase e reescríbese este personaxe dende unha mirada actual en base a un dos maiores procesos de avance político e social dos últimos tempos: a loita contra o sexismo. A entrada é de balde ata completar a capacidade da sala, tal e como se indicou. Así mesmo, Taibo recordou que aínda quedan algunhas prazas para inscribirse na actividade “Un saco de contos”, de María da Pontragha, que terá lugar o 19 de outubro no Centro Cívico Social do Alto do Castiñeiro. Trátase neste caso dunha proposta do programa Apego que dará comezo ás 18.00 horas e que require inscrición previa a través do correo: a.pita@naron.es (indicando nome da activiade, nome e idade do neno ou nena, nome da nai, pai ou persoa acompañante, enderezo electrónico e teléfono de contacto). “Un saco de contos” é un espectáculo de narración oral dirixido a nenas e nenos de 3 a 6 anos, no que os contos e as cancións de tradición oral serán os protagonistas.

<<< Marzo 2024 >>>

LMMXVSD
 
1
2
3
4
5
6
7
8
9
10
11
12
13
14
15
16
17
18
19
20
21 22
23
24
25
26
27
28
29
30
31
Eventos do Concello
naron.gal