Narón, 4 de xaneiro de 2011.- O Alcalde de Narón, José Manuel Blanco, e o escultor portugués afincado en Narón, Manuel Patinha, visitaron hoxe a obra deste artista "Avelinda", colocada recentemente nunha prazoleta da rúa 25 de Xullo, fronte á Biblioteca Municipal. Trátase dunha peza de acero inoxidable reforzado e cunhas dimensións de 560 x 180 centímetros, que pasará a formar parte do patrimonio municipal. A escultura foi realizada nos talleres deste artista en A Faisca (Narón), e permaneceu un tempo en Santiago de Compostela, e logo en Aveiro (Portugal) para terminar definitivamente na súa casa, en Narón.