A segunda fase das obras, que comezará en breve prazo, consiste na creación dun parque de tipo didáctico, no que se poda observar o ecosistema típico dun río galego. Nunha das novas áreas verdes crearase unha grande masa arbórea de cores fortes, noutras manterase a vexetación autóctona de ribeira, plantarase un grande tapiz verde e colocaranse bancos, sendas peonís na dirección da desembocadura do río, unha praza de madeira e alumeado público. A empresa Aopil presentou ao Concello a oferta máis barata das cinco que concorreron ao concurso, e permite un aforro ao municipio de casi 38.000 euros. O Concello de Narón tamén adxudicou as obras de mellora da accesibilidade no pavillón da Gándara (á empresa Construcciones M Pita por importe de 90.000 euros) e as de urbanización da rúa A Garda (á empresa Cuíña S.A., por importe de 56.400 euros), con baixas que supoñen, respectivamente, o 19 e o 6 por cento dos tipos de licitación.