Narón, 15 de Xuño de 2012.- A Casa da Mocidade de A Gándara acollerá hoxe (entre as 16:00 e as 2:00 horas) o 10º Encontro Local da Mocidade “A mocidade e a música” no que se desenvolverán actividades deportivas e musicais nas que participarán perto de 150 mozos/as de Narón e outros tantos da bisbarra e de Galicia. Organizado pola Concellería de Mocidade de Narón, que dirixe a edil Natalia Hermida, o Encontro vai dirixido a mozos/as dende os 14 ata os 30 anos, especialmente para os que estean entre os 16 e os 23 anos. O Encontro articúlase entorno a diferentes accións: exhibición e obradoiro de graffiti, actuacións musicais dos grupos “Vodevil” e “Wolfram” (das aulas de ensaio da Escola de Música Moderna), actuación dun DJ, un coro e un grupo musical, e diferentes obradoiros (tuneado e graffiteado de camisetas, tenis de mesa, tiro con arco, abaloiros, chaveiros e outras artesanías). (Adxúntase o cronograma das actividades previstas)