O ALCALDE E A CONCELLEIRA DE ENSINO VISITAN O COLEXIO AYALA CON MOTIVO DO SEU 50º ANIVERSARIO
Ubicado en A Solaina, este centro suma máis de 300 alumnos/as de Infantil, Primaria e Secundaria.
Narón, 14 de Novembro de 2014.- O Alcalde de Narón, José Manuel Blanco, e a Concelleira de Ensino e Bibliotecas, Mª del Carmen Espada, visitaron esta mañá o Colexio Ayala (situado en A Solaina) con motivo do seu 50º aniversario. Foron recibidos pola Directora do centro, María del Río, acompañada do Xefe de Estudios, José Rodríguez Pantín e de representantes da ANPA.
Tras un intercambio de obsequios conmemorativos desta data, os representantes políticos e os responsables do centro educativo percorreron as instalacións e charlaron acerca da historia do Colexio Ayala, que actualmente suma máis de 300 alumnos/as de Educación Infantil, Primaria e Secundaria. Fundado no ano 1964 na Estrada da Estación (Santa Icía), o colexio ubícase na actualidade na rúa Cristóbal Colón.