Concello de Narón
Espa�ol
Entrada a Naronmail
 

Deportes Cultura
Deportes Cultura
Policía Local de Narón dameuntoke
Policía local Mocidade
Concellería de Igualdade Biblioteca de Narón
Igualdade Biblioteca de Narón
Turismo de Narón Do berce á rúa
Turismo Do berce á rúa
Outras webs Narón, Cidade Fidalga
Outras Webs Narón, Cidade Fidalga
Servizo de Normalización Lingüística Buscocole
Servizo de Normalización Lingüística Buscocole
Novas
 
O CONCELLO CONMEMOROU O DÍA MUNDIAL DA SAÚDE MENTAL COA LECTURA DUN MANIFESTO NO PARQUE DO RÍO FREIXEIRO
O CONCELLO CONMEMOROU O DÍA MUNDIAL DA SAÚDE MENTAL COA LECTURA DUN MANIFESTO NO PARQUE DO RÍO FREIXEIRO
Representantes do goberno local e da Asociación Saúde Mental Ferrol, Eume e Ortegal así como usuarios e usuarias da entidade e o xefe de Psiquiatría da Área Sanitaria de Ferrol participaron na convocatoria
Narón, 10 de outubro de 2019. O Parque do Río Freixeiro acolleu esta mañá, ás 10.00 horas, o acto de conmemoración do Día Mundial da Saúde Mental, organizado pola Asociación Saúde Mental Ferrol, Eume e Ortegal en colaboración co Concello. O edil de Sanidade, Santiago Galego, e os portavoces de Terra Galega, Román Romero, e PSOE, David Pita, acompañaron aos representantes da entidade nesta xornada, na que tamén participaron o presidente e a directora da asociación, Félix Pena e Divina Amenedo, respectivamente, o xefe de Psiquiatría da Área Sanitaria de Ferrol, Antonio Núñez e preto de medio cento de usuarios e usuarias de Saúde Mental Ferrol, Eume e Ortegal.
O presidente da asociación encargouse de presidir o acto, recordando que a celebración conta co apoio da Organización Mundial da Saúde e incidindo na necesidade de visibilizar a temática elixida para esta data, o suicidio. “Conect@ coa vida” é o lema desta campaña, a través da que, tal e como indicou Pena, se aposta por traballar nas áreas de prevención, detección, diagnose, tratamento e coidados dos problemas da saúde mental.
A continuación foi unha usuaria da asociación, Julia Pena, a encargada de ler unha parte da proclama conmemorativa do Día Mundial da Saúde Mental. No documento explícase que o suicidio é a principal causa externa de mortalidade en España e que Galicia “lamentablemente, está no máis alto da clasificación de suicidios, sendo a segunda comunidade autónoma con maior taxa de incidencia, superada só por Asturias”. No manifesto que leu Julia tamén se recalcaba que “previr os suicidios é posible”, asegurando que para acadar este obxectivo “é importante falar desta realidade, desterrar os falsos mitos que existen arredor dela e eliminar o tabú para que as persoas que se atopan en risco poidan buscar axuda”.
Finalmente, Félix Pena tomou de novo a palabra para urxir que o Plan de Prevención do Suicidio de Galicia “teña unha implementación real, efectiva e firme, estando á altura das necesidades que existen neste eido”.
No acto o xefe de Psiquiatría da Área Sanitaria de Ferrol asegurou que é preciso no área da saúde mental “un recoñecemento en igualdade de condicións que o resto de enfermidades e a prestación de apoio externo económico, recursos”. Reivindicou tamén Núñez “unha maior integración social” das persoas con este tipo de enfermidades, “unha liña na que avanzamos pero na que aínda quedan moitas cousas por facer porque non ten a misma consideración que outras problemáticas de saúde”.
Para rematar o acto, o concelleiro de Sanidade, Santiago Galego, asegurou que dende o Concello “consideramos fundamental apoiar e, sobre todo, visibilizar e dar a coñecer a realidade do suicidio, o tema abordado este ano, traballando na súa prevención porque é un tema moi delicado e sensible”. Galego destacou o traballo que realiza a asociación e comprometeu o apoio do Concello de Narón para continuar avanzando nesta área.



Últimas novasu Tódalas novas

<<< Outubro 2019 >>>

LMMXVSD
 
1
2
3
4
5
6
7
8
9
10
12
13
14
15
16
17
18
19
20
21
22
23
24
25
26
27
28
29
30
31
 
Eventos do Concello
   
 
Concello de Narón - Aviso legal